صادق ڪلهوڙو پوليس جي زيادتين خلاف ڳوٺاڻن جو احتجاج

پيرجوڳوٺ: صادق ڪلهوڙو پوليس جي زيادتين خلاف ڳوٺاڻن جو احتجاج،انصاف جو مطالبو،خبر موجب صادق ڪلهوڙو ٿاڻي جي ايس ايڇ او جي زيادتين خلاف ڳوٺ صادق ڪلهوڙو جي ڳوٺاڻن  خادم ڪلهوڙو،خيرل،اسلم،امداد ڪلهوڙو جي اڳواڻي ۾ احتجاجي مظاهرو ڪيو ويو ان موقعي تي مظاهرين چيو ته صادق ڪلهوڙو ٿاڻي جي ايس ايڇ او لطف شاهه بنا جواز ڳوٺاڻي معتبر ڪلهوڙو کي گرفتار ڪرائي پرائيويٽ گارڊن وسيلي تشدد ڪرائي رتو رت ڪيو،۽ گرفتاري جو سبب معلوم ڪرڻ تان قتل جون ڌمڪيون ڏئي رهيو آهي ڳوٺاڻن چيو ته ايس ايڇ او ايترو ته بدمست آهي جو هر ماڻهون کان رشوت طلب ڪري ٿو، هنن اعلي اختيارن کان صادق ڪلهوڙو ٿاڻي جي ايس ايڇ او لطف شاهه خلاف ڪارروائي ڪري انصاف جو مطالبو پڻ ڪيو