نامعلوم جوابدارن جو پورهيت جي گھر ۾ گھڙي کيس ڪاتي سان ڪهڻ جي ڪوشش

پيرڳوٺ: ۾ نامعلوم جوابدارن جو پورهيت جي گھر ۾ گھڙي کيس ڪاتي سان  ڪهڻ جي ڪوشش،پورهيت سخت زخمي اسپتال داخل،گھر وارن جي سجاڳي بعد رڙين تي جوابدار فرار، اين سي داخل، خبر موجب پيرڳوٺ جي ڪلري محلي ۾ چار نامعلوم جوابدار هوٽل تي بيرا گيري ڪندڙ پورهيت عبدالغني سفراڻي جي گهر ۾ آڌي جو جو گھڙي کيس تيز ڌار ڪاتي سان ڪهڻ جي ڪوشش ڪئي ته سندس گھر وارن کي سجاڳي ٿي پئي جنهن بعد هنن رڙيون ڪيون ته جوابدار فرار ٿي ويا،جڏهن ته پورهيت عبدالغني سفراڻي سخت زخمي ٿي پيو جنهنکي خيرپور جي اسپتال ۾ داخل ڪيو ويو آهي ٻئي پاسي زخمي پورهيت ٻڌايو ته منهنجي ڪنهن سان به دشني نه آهي پر جوابدارن مونکي قتل ڪرڻ جي ڪوشش ڪئي آهي هن چيو ته غريب ماڻهون آهيان ۽ مون وٽ ته پنهنجي علاج لاءِ به پئسا نه آهن پورهيت اختيارين کان مطالبو ڪيو ته سرڪاري خرچ تي علاج ڪرائي کيس قتل ڪرڻ جي ڪوشش ڪندڙ جوابدارن کي پڻ

گرفتار ڪيو وڃي