پيرجوڳوٺ: مغوي بازياب

پيرجوڳوٺ: صادق ڪلهوڙو پوليس پاران پهرين روزي تي اغوا ٿيل حبيب الرحمٰن ميمڻ کي مقابلي بعد بازياب ڪرائڻ جي دعوى. خبر موجب صادق ڪلهوڙو ٿاڻي جي ايس ايڇ او سيد لطف علي شاه ٻڌايو ته پوليس ڳجھي اطلاع تي ڪچي جي علائقي کاٽوُ وٽ پهتي ته پوليس کي ڏسندي ئي ڌاڙيلن فائرنگ شروع ڪري ڏني. مسلسل اڌ ڪلاڪ جي مقابلي بعد پوليس ٺيڙهي مان پهرين روزي تي اغوا ٿيل حبيب الرحمٰن ميمڻ کي بازياب ڪرائي وڌي، جڏهن ته ڌاڙيل گھاٽي جھنگ جو فائدو وٺي فرار ٿي وڃڻ ۾ ڪامياب ٿي ويا.