ڏھ انساني جانيون ڳڙڪائيندڙ جتوئي ڀٽي تڪرار جو نبيرو 23 آڪٽوبر تي گمبٽ ۾ ٿيندو

پيرجوڳوٺ:ڪنگريءَ لڳ 10 انساني جانيون ڳڙڪائيندڙ جتوئي ڀٽي تڪرار جو نبيرو 23 آڪٽوبر تي گمبٽ ۾ ٿيندو. ڪنگريءَ لڳ ڳوٺ هُلِي ڀٽي ۾ ناري شبنم ڀٽي کي اغوا بعد قتل ڪرڻ تان شروع ٿيل جتوئي ڀٽي خوني تڪرار جو نبيرو  23 آڪٽوبر آچر ڏينهن گمبٽ ۾ اڳوڻي صوبائي وزير مير منظور خان پنهور جي سرپئنچيءَ ۾ ٿيندو. ياد رهي ته گذريل ٻن سالن کان ٻنهي ڌرين ۾ ٿيل تڪرار جي نتيجي ۾ 10 انساني جانيون ضايع ٿي چڪيون آهن ۽ قومپرست اڳواڻ اياز حسين ڪورائي۽ سماجي اڳواڻ عنايت الله ناريجو جي ڪوششن سان ڌرين ڏي چار دفعا منٿ ميڙ قافلا لڙي وڃڻ کان پوءِ ڌرين ٺاھ لاءِ راضپو ڏيکاريو آهي.