روڊ جي پل جو ڪم ناقص ٿيڻ خلاف ڪنگريءَ جي 50 کان وڌيڪ ڳوٺن جي سوين ڳوٺاڻن جواحتجاجي مظاهرو

پيرجوڳوٺ:روڊ جي پل جو ڪم ناقص ٿيڻ خلاف ڪنگريءَ جي 50 کان وڌيڪ ڳوٺن جي سوين ڳوٺاڻن جو احمدپور، خيرپور روڊ تي احتجاجي مظاهرو ڪيو. ٽائرن کي باهيون ڏئي 3 ڪلاڪ ڌرڻو هنيو. ڌرڻي سبب ٽرئفڪ معطل ٿي وئي. احتجاج ڪندڙن جي هٿن ۾ پلي ڪارڊز هئا. ان موقعي تي احتجاج ڪندڙن ٺيڪيدار  خلاف سخت نعريبازي ڪئي. احتجاج ڪندڙن جي اڳواڻي بخش علي پنهيار، مختيارپنهيار، ڪيهر خان، محڪم علي، صوبدار ۽ ٻيا ڪري رهيا هئا. ان موقعي تي احتجاج ڪندڙن جو چوڻ هو، ته ايشين بئنڪ جي تعاون سان ڳوٺ وڏا پنهيار وٽ ٺهندڙ پل ۾ ناقص مٽيريل استعمال ٿيڻ ڪري ٺهڻ کان اڳ ئي پل جھري رهي آهي. هنن چيو، ته ڄاڻايل پل 50 کان وڌيڪ ڳوٺن کي پاڻ ۾ ملائي ٿي. هنن چيو، ته ناقص ڪم تي احتجاج ڪيون ٿا، ته ٺيڪيدار پل جو ڪم اڌ ۾ ڇڏڻ جون ڌمڪيون ڏئي رهيو آهي. هنن اعلى اختيارين کان گھر ڪئي، ته ٺيڪيدار خلاف قدم کڻي پل کي صحيح طور تي جوڙايو وڃي.