پيرصاحب پاڳارا جي صحتيابيءَ لاءِ سنڌ جي مختلف درگاهن تي دعا گھري ويئي

پيرجوڳوٺ: (پيرجوڳوٺ آن لائين) حرن جي روحاني پيشوا شاھ مردان شاھ ثاني پيرپاڳارو جو ننڍڙو فرزند پيرسيد حزب الله شاھ راشدي پنهنجي والد پيرصاحب پاڳارا جي صحتيابيءَ لاءِ سنڌ جي مختلف درگاهن شاھ عبداللطيف ڀٽائي رحمة الله عليہ، قلندرشهباز رحمة الله عليہ ، لڪي شاھ صدر رحمة الله عليہ جي درگاهن تي حاضري ڀرڻ بعد چادرون چاڙهي خصوي دعائون گھريون ۽ لنگر تقسيم ڪيو. جڏهن ته هن پيرجوڳوٺ ۾ حضرت محمد راشد روضي ڌڻي رحمة الله عليه جي درگاه تي حاضري ڀري مزار تي چادر چاڙهي ۽ قرآن خواني ڪرائڻ بعد پيرپاڳارا جي مڪمل صحتيابيءَ لاءِ دعا گھري. ان موقعي تي پيرپاڳاري جو سالو سيد آفتاب حسين راشدي، سيد فائق علي شاھ راشدي، سيد مشتاق شاھ راشدي ۽ حرجماعت سميت سوين شهري گڏ هئا.